गजल - कोइ छ कि ?

मनको ढोका खोलेको छु, आउने कोइ छ कि !!

जुगौ जुगको चोखो माया, लाउने कोइ छ कि !!

कती ज्युँनु विरहमा, यहाँ पीडा लुकाइ ,
सँगै मिली प्रितीका गीत, गाउने कोइ छ कि !!

वेदनाको सागर हो यो, दुई दिने चोला,
खुशी बनी यो जीवनमा, छाउने कोइ छ कि !!

बरालिन्छ यो मन सधैं, के के खोज्छ कुन्नी,
मेरो माया आफ्नो मनमा, सजाउने कोइ छ कि !!

दागबत्ती कुरिरा'को, चिता भयो जीवन,
अमृत छरी यही लाश, ब्युँताउने कोइ छ कि !!

गजल....मुर्खता

जिन्दगी को गोरेटोमा अनायासै हराइ रहे

दु:खको बाटो रोजे हर्दम् सुख पर सराई रहे

कठीन पलमा साथ दिनु धर्म आफ्नो सम्झी

आफु डुबे अरु लाई खोला पारी तराइ रहे

मुर्खता थियो मेरो अरुको लागी राम्रो सोच्नु

अरुलाई माथि पार्न आफु लाई झराइ रहे

स्वार्थी यो दुनियाँमा भेटिन कोइ दु:ख पर्दा

आफन्तको नजरमा विडम्बना पराई रहे

निरासाको जिन्दगी जिउनु गार्हो हुंदो रै'छ

रित्तिएको मुटु पनि आसले नै भराइ रहे

गजल -- मैले सोचेको मेरो देश !!

मैले सोचेको मेरो देशमा हत्या हिंसा हुन्न साथी

मैले खोजेको मेरो देशमा कोही आमा रुन्न साथी

कोइलिको मिठो गीत गुन्जिन्छ बनैभरी मनैभरी

मैले रोजेको मेरो देशमा अशान्ती ले छुन्न साथी

गिद्दे नजर राख्ने हरु होसियार भई बस्नु तिमी

मैले सोचेको मेरो देशमा पाउन्न जालो बुन्न साथी

एकताको उदाहरण बनी यो चिनिने छ दुनियाँमा

मैले खोजेको मेरो देशमा कुनै फाटो हुन्न साथी

हिमाल पहाड तराई मेरो क्षेत्रियताको बिभेद हुन्न

मैले सोचेको 'नेपाल'को थाले स्वप्न उन्न साथी

गजल दोहोरी !!

Jiten: घर नगिचैको बरको त्यो रुख ढलेको देखे

सपनिमा हिजो आफ्नै चिता जलेको देखे

Pradeep:किन यस्तो निरासाको भुमरिमा साथी तिमी

हतास भई आज तिमी आँफै भित्र गलेको देखे

Jiten: विरक्तिन्छु साथी म घरको त्यो स्थिती देखी

सुन्दर मेरो फुलबारिमा बिशालु फल फलेको देखे

Ravi: इमान् जमान् मरिसक्यो धर्म भ्रस्ट भएपछि

बेइमानीको त कालो बजार नै चलेको देखें ।।

Jiten: खोक्छन अझै देश जनताको लागि लड्दै छौ

राष्ट्रभक्तिको खोक्रो चन्दन तिनैले नै दलेको देखे

Pradeep: आफ्नै सन्तानले आगो लगाए विवशतामा रुन्छिन्

भित्र भित्रै नेपाल आमा डढेलो सरि बलेको देखेँ !

Jiten: चुनिनु अघी ठुला ठुला आश्वासन दिने यिनले

छेपारो झै रङ फेरी जनता अझै छलेको देखे

Ravi: स्वार्थ आफ्नो सोझ्याएर महल ठडाउन भ्याए,

रगतको भेल तेल सरी नेपालीलाई मलेको देखेँ !

Jiten: कुकुरको पुच्छर १२ बर्षमा नि बाङगै हुन्छ था'छ

अझै धुलो छर्न "जन सर्वोच्चता' ओकलेको देखे

गजल --- परदेशीको ब्यथा

मन त छैन बिदेशमा, खुन पसिना बगाउने !

आफ्नो घर उजाड राखी, पराइ महल सजाउने !



आफन्त म खोजुँ कहाँ, पराईहरु माझबाट,
भेटिएन कोही पनि, मनको मीत लगाउने !



धेरै भयो स्वदेशबाट, खबर केही आ'को छैन,
सुनाउ साथी केही शब्द, देशको माया जगाउने !



बाध्यताले आफ्नो माटो, छोडी आएँ पराइ मुलुक,
दिन गन्दै बसेको छु, आफ्नै ठाउँ फर्काउने !

गजल --- के पायौ ??

आफ्नै भाई निर्ममताले मारेर के पायौ
दु:खको भारी जनता माथि सारेर के पायौ

खुशी होलाउ आज तिमी सत्ताको मातमा
देखावटी खोक्रो जीत हारेर के पायौ

आश्वासन चर्का भाषण सत्ता पुग्ने सिढी थिय
बिकासको मार्ग पर सारेर के पायौ

भाईचारा भन्ने शब्द एकदेशमा सिमित रह्यो
भाई भाई बीचको नाता बारेर के पायौ

भन्थ्यौ तिमी यो देशलाई स्वर्गसरी बनाउनेछौ
स्वर्ग थियो नर्क तिम्ले पारेर के पायौ

शान्ती कैले आउँछ भनी अन्योलमा छ जीवन
संविधान लेखने मिती टारेर के पायौ

गजल -- कहाँ सक्छु ??

वैलिएको फूल हुँ म, सुवास कहाँ छर्न सक्छु ।
एकफेर त मरी सकें, फेरी कहाँ मर्न सक्छु ।

माया बिना रित्तिएको, धेरै भयो मेरो मुटु
महँगो रे सुने जब, सोचें कहाँ भर्न सक्छु

सुखमा त साथ दिने, साथी भेटें कति कति
जीवन तर दु:खसागर, एक्लै कहाँ तर्न सक्छु

छोटो जीवन लामो यात्रा, धेरै भोगें धेरै देखें
आत्मिय हुँ भन्छौ तिमी, भर कहाँ पर्न सक्छु

भयो अब चाहिदैन यो शहरको बसाईँ पुग्यो
क्षितिजपारी त्यो गाउँमा, डेरा कहाँ सर्न सक्छु ।

गजल -- आमाको मुख हेर्ने दिन बिशेष !!

गुम्सिएका मनका भाव, पोखेर यो गजल लेखें !
तिम्रो माया यो छातीमा, रोपेर यो गजल लेखें !

चाह छैन मन्दिर-मस्जिद, चहारेर बस्ने मलाई,
मेरी आमा तिम्रै पाउ, ढोगेर यो गजल लेखें !

मेरो लागि कति दु:ख सहेकी छौ मलाई था'छ,
के सकुँला ऋण तिर्न ? सोचेर यो गजल लेखें !

सम्झन्छु म पुराना दिन, रसाउँछन् यी आँखाहरु,
परेलिको डिलमा बाँध, बाँधेर यो गजल लेखें !

तिमी छैनौ ब्यर्थ छन् यी, दुनियाँका खुशी सारा,
तिम्रै नाम तिम्रै मन्त्र, जपेर यो गजल लेखें !

गजल -- तिम्रो याद !!

देखे जून आज फेरी तिम्रो रुपको झल्को आयो
याद सँगै बिताएका ति मधुर पलको आयो

फुलबारिमा फलेका छन फल मन लोभ्याउने
मानसपटमा तर मुहार त्यै मेरै फलको आयो

मिलन हुँदा खुशी हुने बिछोडको दु:ख अर्कै
हाम्लाई टाढा बनाउने खेद दैव छलको आयो

कस्तो थियो साथ तिम्रो रमाईला ति दिन थिए
जीवन यो उराठलाग्दो मन्मा आजकलको आयो

बिछोडको वेदनालाई रोएर नै टारेकी थ्यौ

सम्झना बिछोडिदा बहेका अश्रु भलको आयो