Thursday, February 21, 2013

गजल -- सुखी हुन्छौ विश्वाश गर

खोक्रो अहम् फ्याँकी देऊ, सुखी हुन्छौ विश्वाश गर !
मोह डाह  त्यागी  देऊ, सुखी हुन्छौ विश्वाश गर !

पल्टाई पल्टाई जिन्दगीको किताब हेर्ने हरु सुन,
केही पाना च्याती देऊ, सुखी हुन्छौ विश्वाश गर !

लुगालाई नाँङ्गा देऊ , भोजनलाई भोका देऊ,
कुवालाई प्यासी देऊ, सुखी हुन्छौ विश्वाश गर !

बर्सौ देखि मुर्छित् पीडित, आमाको त्यो मुहारमा,
अलि खुशी छ्यापी देऊ, सुखी हुन्छौ विश्वाश गर !

भत्काउनेलाई रोजी रोजी, घर बनाउने जिम्मा दियौ,
सक्छौ सच्चा ज्यामी देऊ, सुखी हुन्छौ विश्वाश गर  !




Friday, February 15, 2013

गजल ..................दुनियाँ यो

जस्ले बोल्छ उही बिक्छ, अब्बल भन्छ दुनियाँ यो ।
नबोल्नेले अब्बल लेखोस्, नक्कल भन्छ दुनियाँ यो ।

सत्य बोल्ने हिम्मत गरें, फरक भएँ अरु भन्दा,
ईनाम हेर कस्तो पाएँ, पागल भन्छ दुनियाँ यो ।

शिखर टेक्दा पैतालाका, ठेलाहरु कस्ले देख्यो ?
भाग्यले हो बनाएको, सफल भन्छ दुनियाँ यो ।

अरु घोडा चढ्दा आफु, धूरी चढ्नु हुन्न भन्छु,
पुरानो भो सोच तेरो, बदल भन्छ दुनियाँ यो ।

सुनै सुनको यौटा सुन्दर, पिजंडा म ठान्छु जस्लाई,
सुखी "जीवन" टक्र्याउने, महल भन्छ दुनियाँ यो ।