Thursday, September 17, 2009

गजल - विकल्प छैन!!!!

तिमी हुनुको विकल्प छैन !!
सम्झी रुनुको विकल्प छैन !!

मानशपटमा छाइ रहने त्यो,
छुनु मुनुको विकल्प छैन!!

भन्थ्यौ साथै हुन्छु हर्दम् ,
मुटु छुनुको विकल्प छैन !!

यादमा बहेका ति आशुले नै,
पिडा धुनुको विकल्प छैन!!

Sunday, September 13, 2009

केही टुक्रा टाक्री हरु Part 3

काम उस्तै नाम मात्रै,फेरे देश बन्दैन हजुर !!
मुखले मात्रै संबिधान ,केरे देश बन्दैन हजुर !!
काला गए गोरा आए, आफ्नो स्वार्थ पुरा गरे,
मुकदर्शक बनी रमिता, हेरे देश बन्दैन हजुर !!
---------------------------------

गल्ती हुन्छ मानवबाटै, सुधारेर अघी बढौ !!
ठप्प बिकासका मार्ग, उघारेर अघी बढौ !!
जिन्दाबाद-मुर्दाबाद त्यागी सबै एक बनी-
फर्फराउने झन्डा हाम्रो, उचालेर अघी बढौ!!
---------------------------------

Saturday, September 12, 2009

केही टुक्रा टाक्री हरु Part 2!!

क्षितिजपारी त्यो गाउँको बाटो भेटिएन !!
यो शहरमा खोजे आफ्नो माटो भेटिएन !!
चस्स किन दुख्यो भनी मुटु छामी हेरे ,
एउटा थियो तर अर्को पाटो भेटिएन !!

-----------------------------
एक्लै हिडी बिरानीमा, देश भेट्न सम्भव हुन्न !!
रक्तनदी जती बहाउ ,प्यास मेट्न सम्भव हुन्न!!
एक हातले ताली कतै बजेको सुनेका छौ तिम्ले,
दुई हात नभै सारङ्गिको, तार रेट्न सम्भव हुन्न!!

----------------------------------
हरा'को त्यो गाउँको बाटो खोजौ अब मिलीजुली !!
वैमनस्यता त्यागी भाईचारा रोजौ अब मिलिजुली !!
भर पर्यौ सधैं तिन्कै बदलामा बस धोका पायौ,
निमुखा भै कती बस्नु यहाँ सोचौ अब मिलिजुली!!

----------------------------------

केही टुक्रा टाक्री हरु Part 1!!

बाढी मेरो मनमा आउँदा, त्यो तन-मनमा हल्चल देखे !!
चुल्बुले त्यो चुरा कस्तो, हर छन्छनमा हल्चल देखे !!
कस्तो यो नाता हाम्रो, भेउ कुनै पाईन मैले ,
छुरा धस्दा यो मुटुमा, त्यो धड्कनमा हल्चल देखे !!

------------------------------------------

बन्धन सबै तोडी आउ डर किन मान्छेउ!!
प्रीतको बिउ गोडी आउ डर किन मान्छेउ!!
लक्ष्य हाम्रो एउटै रै'छ बाटो किन फरक,
पाइला यतै मोडी आउ डर किन मान्छेउ!!


Wednesday, September 2, 2009

गजल--- यसरी बन्छ गजल

मुटु भरी वेदना ले , आशु झार्दा गजल बन्छ !!
यो मनले त्यो मनमा, डेरा सार्दा गजल बन्छ !!

सुख दु:ख सँगम जीवन, भन्छन भन्ने हरु तर ,
दु:खरुपी तुवाँलोले, सुख बार्दा गजल बन्छ !!

अन्धकारमै हराएर, सारा जीवन जिउँदा जिउँदै,
उजेलिमा रम्ने झिनो, आश मार्दा गजल बन्छ !!

कि त पढि कि त परी , जानिन्छ रे भन्छन यहाँ ,
पिडासङ्गै जीवन अझै, सुनझै खार्दा गजल बन्छ !

जीवन भन्नु जुवा ठानी,खुशी सबै दाउमा राखी,
'जितु'ले नै जिन्दगीको, बाजी हार्दा गजल बन्छ !!