Saturday, July 25, 2009

'नयाँ नेपाल' र 'गणतन्त्र'

निर्दोश जनको रक्तनदी,
बहन यदि रुक्दैन भने !
चुलिएको अपराधको शिर,
कानूनसामु झुक्दैन भने!
दुखी मेरा आफन्तको,
आँशु यदि सुक्दैन भने!

पुरानोमै खुशी थिएँ,
'नयाँ नेपाल' चाहिदैन!
जन मर्म कुल्ची हिंड्ने,
'गणतन्त्र'चाहिदैन!!

जनताबाटै चुनिएकाहरु.
कुर्सी मोहमा फस्छन् भने !
श्रीखण्डको आडमा पालीई,
बिशालु भई डस्छन् भने !
अघिल्तिर मिठो बोली,
पिठ्युमा छुरा धस्छन् भने !

पुरानोमै खुशी थिएँ,
'नयाँ नेपाल' चाहिदैन!
जन मर्म कुल्ची हिंड्ने,
'गणतन्त्र'चाहिदैन!!

हरेक साँझ कोइली वनमा,
विरह गीत गाउँछ भने !
हत्या, हिंसा, बन्द हड्ताल,
अझै प्रशय पाउँछ भने !!
अशान्तिको त्रास अझै,
हर धड्कनमा छाउँछ भने!

पुरानोमै खुशी थिएँ,
'नयाँ नेपाल' चाहिदैन!
जन मर्म कुल्ची हिंड्ने,
'गणतन्त्र'चाहिदैन!!

बिसंगती कुरितिले,
नेटो यदि काट्दैनन् भने !
जंगे पिल्लर वरै सर्दा,
बोल्न कोही आँट्दैनन् भने !
एउटै घरका दाजुभाई,
प्रेम सद्भाव साट्दैनन् भने!

पुरानोमै खुशी थिएँ,
'नयाँ नेपाल' चाहिदैन!
जन मर्म कुल्ची हिंड्ने,
'गणतन्त्र'चाहिदैन!!

तेरो मेरो हैन हाम्रो,
हर नेपाली सोच्दैन भने !
बिखन्डनमा डोरिंदा देश,
अखन्डता रोज्दैन भने !
विकास ठप्प देख्दा देख्दै,
विकल्प केइ खोज्दैन भने !

पुरानोमै खुशी थिएँ,
'नयाँ नेपाल' चाहिदैन!
जन मर्म कुल्ची हिंड्ने,
'गणतन्त्र'चाहिदैन!!


मेची दुख्दा महाकाली,
सुसाएर रुन्न भने ।
हिमाल रुँदा तराई पहाड,
कसैको मन छुन्न भने ।
नेपालीको सन्तान भन्दा,
छाती ठुलो हुन्न भने ।

पुरानोमै खुशी थिएँ,
'नयाँ नेपाल' चाहिदैन!
जन मर्म कुल्ची हिंड्ने,
'गणतन्त्र'चाहिदैन!!

म यो जाति तँ त्यो जाति,
मेरो साथी सोच्छ भने ।
टुक्रिएको नेपाल भित्र,
आफ्नो राज्य खोज्छ भने ।
भाईचाराको कुम्लो फाली,
दुश्मनिको भारी बोक्छ भने ।


पुरानोमै खुशी थिएँ,
'नयाँ नेपाल' चाहिदैन!
जन मर्म कुल्ची हिंड्ने,
'गणतन्त्र'चाहिदैन!!

6 comments:

Anonymous said...

पुरानै नेपाल मै खुशी थिए म,
'नयाँ नेपाल' चाहिदैन!
जनतालाई नै सास्ती हुने,
कथित'गणतन्त्र'चाहिदैन!!

wow ! very nice wonderful !!

Jitendra said...

thanx a lot.....
I would be more pleased to see ur name here.....
please enter ur name while commenting....

thanx...

Narendra said...

nice poetry man! timi kahile dekhi poet bhayau? "Nepal Parichaya" pachhi ta nepali padhekai chhainau hola, but Nepali sabdakosh ko ta raamro practice rahechha. wonderful.

sadeep suman bhujel said...

हरेक शब्दमा दम छन
देशको मर्म सुन्ने हरु धेरै कम छन
सुनी दिउन हाम्रो क्रन्दन ,एही आस छ
तपाईंलाई धेरै धेरै साधु बाद छ

Anonymous said...

nepal chodera pani nepal ko chintan garne timi ta ek chau......ramro chha....
lakhdai jau.....timro lagi...subha kamana.....

Jitendra said...

@Narendra: thanx a lot brother... kavita, gazal lai bhawana pokhne madhyam matra banako hu yaar... POET ta kahaa huna sakinchha ra hamiharu...
Thanks a lot Suman Ji...
@Anonymous: aafno naam rakhnu bhayeko bhaye malai sambodhan garna sajilo hunthyo ki... j bhaye pani dherai dherai dhanyabaad tapaiko hausalayukta shabda haruko laagi ....
arko kura maile desh chhodeko hoina, kehi samayako laagi matra taadha bhayeko ho...