एउटा भिन्न प्रयास !!

हरियो चुरा मिठो छुरा मुटुभित्र धस्ने को हौ !!
रातो सारी मन उघारी सुटुक्क लौ पस्ने को हौ !!


त्यसै सुन्दर तिमी सानी मिथ्या श्रिंगार किन,
सुन्को बाली ओठ्मा लाली लोभ्याउन घस्ने को हौ!!

थाहा छैन किन तिम्लाई मेरै गाउँ प्यारो लाग्यो,
रेशमी केश परीको देश छाडि यतै खस्ने को हौ !!


भेट्या थे'न आज सम्म मनमहल सजाउने कोइ,
रुपकी रानी प्रेमकी खानि यो दिलैमा बस्ने को हौ!!

उराठलाग्दो यो जीवनमा प्रेमिल मधुमास ल्याइ,
मुहार गोरो प्रितको डोरो 'जितु'सँग कस्ने को हौ!!