Sunday, April 4, 2010

गजल--- दसैं बिशेष !!!


सँगैका ती साथीहरु, घर फिर्ने दिन गन्दै थिए !!
दसैं आयो दसैं आयो, सबै जना भन्दै थिए!!

बिमारीले छोयो कि त, उमङ्ग नै छैन कुनै,
छामे मुटु ढुकढुकीका, चालहरु मन्दै थिए !!

पंक्षि बनी उड्न पाउने, रहर मर्‍यो अनायासै,
विवशताका बलिया ती, ढोका सबै बन्दै थिए!!

फिर्नेहरु खुशी थिए, अरु भने सम्झी रोए,
सम्झनाका सुन्दर रास, मन मनै खन्दै थिए !!

((विजयादशमीको हार्दिक मंगलमय शुभकामना देशबिदेशमा रहनुभएका सम्पूर्ण नेपालीहरुमा । ))

No comments: