क्रिशोलको कविता गजलिकरण !!!

अन्यौलको सम्बन्ध यो, बाचा गरुँ कसरी म
लगन हाम्रो जुर्या छैन, सिउँदो भरुँ कसरी म

यथार्थमा ज्युँनु पर्ने, जिन्दगीको चलन यही,
झुटा कसम्, खाइ भ्रमको, बीज छरुँ कसरी म

सिकायौ नि तिमीले नै, प्रेमपथमा हिंड्न मलाई,
साउने भेल सरि माया, उर्ल्यो तरुँ कसरी म

पिंजडाको पंक्षि हुँ म, उडी आउन पाउँदिन नि,
तिम्रो गाउँतिरै डेरा, भन सरुँ कसरी म

यौवन साट्न प्यास मेट्न, नचाहेको हैन मैले,
तिम्रा मन्का खाली पाना, माया भरुँ कसरी म