Thursday, March 18, 2010

मरुभुमी र फूलहरु !!!!

महल, सडक, गल्ली गल्ली सजाउन,
दिनहुँ आयात हुन्छन्,
हरिया देशबाट,
एक हुल फूलहरु,
यो मरुभुमिमा !!

बेमौसममा पनि एकनास सुवास फिजाउँन,
वाध्य गराइन्छन्, हुन्छन्,
अनेकन् भेशका,
लाचार फूलहरु,
यो मरुभुमिमा !!

त्यही सुवासमा हरेक साँझ हराउन,
लालायित हुन्छन् ,
बुर्ज अल अरब र,
बुर्ज खालिफाहरु,
यो मरुभुमिमा !!

असमर्थ फूल, महलको रौनक बढाउन,
फेरि निर्यात हुन्छन्,
त्यही हरियालिमा,
मुर्झाएका फूलहरु,
यो मरुभुमिमा !!

त्यही समय,
पुराना फूलको विकल्प,
फेरी आयात गरिन्छन्,
हरिया देशबाटै,
अर्को हुल फूलहरु,
यो मरुभुमिमा ।

1 comment:

Gyanendra said...

Poem ta danger hola jasto 6a tara mero dimagma nai ghusena yar....!