आतुर छन् यी कानहरु, सक्छौ चाँडै जवाफ देऊ ।
या त मिल्काऊ मेरो गुलाब, या बदलामा गुलाब देऊ ।
पिलाएर नजरबाट, बानी पार्यौ तिम्रो मलाई,
नशा काट्न त्यो नशाको, अर्को कुनै शराब देऊ ।
लक्ष मेरो अब तिमी, बाँकी सबै भुली सकें,
पुरा गरोस् चाह मेरो, पत्थर मनलाई दबाब देऊ ।
एक्लो यात्रा अनेक बाधा, भौतारिन्छु यता उती,
बहँदैछ 'जीवन' उल्टो, यस्लाई सही बहाव देऊ ।
2 comments:
राम्रो गजल !!!
आतुर छन् यी कानहरु, सक्छौ चाँडै जवाफ देऊ ।
धन्यवाद अलंकार जी ।
Post a Comment