Thursday, December 16, 2010

गजल आतुर छन् यी कानहरू

आतुर छन् यी कानहरु, सक्छौ चाँडै जवाफ देऊ । 
या त मिल्काऊ मेरो गुलाब, या बदलामा गुलाब देऊ ।

पिलाएर नजरबाट, बानी पार्‍यौ तिम्रो मलाई, 
नशा काट्न त्यो नशाको, अर्को कुनै शराब देऊ ।

लक्ष मेरो अब तिमी, बाँकी सबै भुली सकें, 
पुरा गरोस् चाह मेरो, पत्थर मनलाई दबाब देऊ । 

 एक्लो यात्रा अनेक बाधा, भौतारिन्छु यता उती,  
बहँदैछ 'जीवन' उल्टो, यस्लाई सही बहाव देऊ ।

2 comments:

Alankar said...

राम्रो गजल !!!
आतुर छन् यी कानहरु, सक्छौ चाँडै जवाफ देऊ ।

Jitendra Malla said...

धन्यवाद अलंकार जी ।