Saturday, November 5, 2016

गजल- उसले एकपल्ट पनि

उसले एकपल्ट पनि सोचेन बाहिरिनु अगाडि ।
अब हजारपल्ट सोच्नेछ घर फर्किनु अगाडि ।
  
अचेल मेरो साथी मेरै ज्यानको  दुश्मन भएको छ,
जो ज्यान दिन तयार थियो पैसा लिनु अगाडि ।

बा आमा, हुर्केको आँगन, खुला चौर, चौतारो,
आहा ! क्या जिन्दगी थियो ब्युँझिनु अगाडि ।

यो पक्का हो, सबै फूल शिरमा शोभा दिंदैदन्,
यत्ति बुझे हुन्थ्यो सिउरिनेले सिउरिनु अगाडि ।

अहिले बेहिसाब प्यालामाथि प्याला  थपिंदैछन्,
थोरै पिउने सहमति थियो मातिनु अगाडि ।

No comments: