गजल---- पिरतिमा !!!

आकाशका जून तारा, झर्छन् अरे पिरतिमा !!!
सयौं चोटि प्रेमीहरु, मर्छन् अरे पिरतिमा !!!

कस्लाई थाहा भरे यहाँ, के हुने हो- तर पनि,
साथै ज्युँने मर्ने बाचा, गर्छन् अरे पिरतिमा !!!

मायालुको साथ पाए, भुली सारा संसार नै,
प्रेमनगर तिरै डेरा, सर्छन् अरे पिरतिमा !!!

यथार्थको धरातल, छाडि कतै बिरानीमा, ,
कल्पनाको सागर बरु, तर्छन् अरे पिरतिमा !!!

चोखो माया प्रेम यहाँ, कस्ले बुझ्छ कस्ले गर्छ,
देखावटी मायाकै भर् , पर्छन् अरे पिरतिमा !!!