Thursday, September 29, 2016

गजल -- अभिनय गर्छन्

दुनियाँमा हर कोहीले मजाको अभिनय गर्छन् ।
कसैले काका कसैले मामाको अभिनय गर्छन् ।

हिजो आज यसरी नि जम्ने गर्छन् मेहफिलहरू,
कसैले सुनेको कसैले सुनाको अभिनय  गर्छन् ।

स्टेयरिंग  अर्कैको हातमा छ मनपरी घुमाईरहन्छ,
ड्राइभर सिटमा बस्नेले चै चलाको अभिनय गर्छन्

निदाएका भए बरू उठाउन सजिलो हुन्थ्यो ,
कसो गरौं ? यारहरू निदाको अभिनय गर्छन् ।

आज पनि हाम्रो घरमा सबलाई पुग्ने अन्न छैन,
आज फेरि बा'आमा अघाको अभिनय गर्छन् ।

No comments: