Sunday, July 31, 2016

गजल : किन पुगिएन

किन पुगिएन गन्तव्यमा सोचिरहेको थिएँ ।
शायद नजाने गाउँको बाटो सोधिरहेको थिएँ । 

'ठूलो' हुनुको एउटा फाइदा यस्तो हुँदो रहेछ,
सुन्नेले 'मीठो राग' भने, म चैं खोकिरहेको थिएँ ।

ऊनीहरु बेस्सरी ताछिरहे मलाई खुम्च्याउन,
खाडल जो थिएँ म त झन् झन् बढिरहेको थिएँ ।  

कुनैदिन पृथ्वी पनि टक्क अडिएर सोच्नेछ,
खै के का लागि वर्षौंदेखि घुमिरहेको थिएँ ? 

तिम्रो त्यो मीठो बोलीमा,  विश्वास कसरी गर्थें ?
मैले त तिम्रा आँखाहरु  पढिरहेको थिएँ ।

No comments: